നിങ്ങള്‍ പാന്‍ കാര്‍ഡ് എടുത്തോ? എല്ലാ പനലിസ്റ്റുകള്‍ക്കും പാന്‍ കാര്‍ഡ് നിര്‍ബന്ധം

പുതിയ സ്പീക് ഏഷ്യ വെബ്സൈറ്റില്‍ എല്ലാവരുടെയും പാന്‍ കാര്‍ഡ് നമ്പറും, അഡ്രസ്സ് പ്രൂഫും നിര്‍ബന്ധമായും ചേര്‍ക്കേണ്ടി വരും.പ്രത്യേകം ശ്രദ്ധിക്കുക രണ്ട് മെയിന്‍ പാനലുകള്‍ക്ക് ഒരേ രേഖകള്‍ അനുവദിക്കുന്നതല്ല.അതായത് ഒരാളുടെ പേരില്‍ ഒറ്റ മെയിന്‍ പാനല്‍ മാത്രമേ അനുവദിക്കൂ.ഇത് പുതിയ നിയമം അല്ല.പക്ഷെ പലരും, തെറ്റായ വിവരങ്ങളുടെ അടിസ്ഥാനത്തില്‍ ഒന്നില്‍ കൂടുതല്‍ സൈറ്റ് സ്വന്തം പേരില്‍ എടുത്തിട്ടുണ്ട്.മാത്രമല്ല പല നെറ്റ് വര്‍ക്ക് മാര്‍കറ്റിംഗ് കമ്പനികളിലും വര്‍ക്ക് ചെയ്തവരുടെ നിര്‍ദ്ദേശപ്രകാരവും ഇങ്ങനെ ചെയ്തവര്‍ ഉണ്ട്.പലരുടേയും സംശയങ്ങള്‍ ഇവിടെ ചോദ്യോത്തര രൂപത്തില്‍ ചേര്‍ക്കുന്നു.

സ്പീക്ക് ഏഷ്യയില്‍ ട്രൈപോള്‍ ഉണ്ടൊ?

ഇല്ല.

അപ്പോള്‍ കമ്പനി ഒരാള്‍ക്ക് മൂന്ന് ഐഡി എടുക്കാന്‍ അനുവദിക്കുന്നതോ?

കമ്പനി ഒരാള്‍ക്ക് മൂന്ന് ഐഡി എടുക്കാന് അനുവദിക്കുന്നില്ല.എന്നാല്‍ ഒരേ ഇ-മെയില്‍ ഐഡിയും, മൊബൈല്‍ നമ്പറും പരമാവധി മൂന്ന് ഐഡികള്‍ക്ക് ഉപയോഗിക്കാവുന്നതാണ്.ഇതിന്റെ ഉദ്ദ്യേശം കുടുംബ ശാക്തീകരണമാണ്.സ്പീക്ക് ഏഷ്യയിലെ ഓരോ പാനലും ഓരോ വ്യക്തികളാണ്.ഓരോ പാനലിന്റെയും അഭിപ്രായം ഓരോ വ്യക്തിയുടേയും അഭിപ്രായമാണ്.

കുടുംബാംഗങ്ങളുടെ സര്‍വെ വരുമാനം പങ്കു വെയ്ക്കാന്‍ സാധിക്കുമൊ?

തീര്‍ച്ചയായും, നിങ്ങളുടെ കുടുംബാംഗങ്ങളും സര്‍വെ ചെയ്യുമ്പോള്‍ ലഭിക്കുന്ന റിവാര്‍ഡ് പോയിന്റുകള്‍ (Survey E-Wallet)  പരസ്പ്പരം പങ്കു വയ്ക്കാവുന്നതാണ്.ഇത് വേറെ ആളുകള്‍ തമ്മില്‍ സാധ്യമല്ല.ഇത് ചെയ്യുന്നതിന് നിങ്ങളുടെയും, മറ്റ് അംഗങ്ങളുടേയും ഈമെയിലും, മൊബൈല്‍ നമ്പറും ഒന്നായിരിക്കേണ്ടതാണ്.

എനിക്ക് മൂന്ന് പാനല്‍ ഉണ്ട്.എനിക്ക് മൂന്ന് പാന്‍ കാര്‍ഡ് വേണ്ടി വരുമോ?

ഒരാള്‍ക്ക് ഒരു പാന്‍ കാര്‍ഡേ ലഭിക്കൂ.ഒരാള്‍ ഒന്നില്‍ കൂടുതല്‍ പാസ്സ്പോര്‍ട്ട് കൈവശം വെയ്ക്കുന്നത് കുറ്റകരമായതു പോലെ , ഒന്നില്‍ കൂടുതല്‍ പാന്‍ കാര്‍ഡ് കയ്യില്‍ വയ്ക്കുന്നതും കുറ്റകരമാണ്.

പിന്നെ എനിക്ക് എന്തു ചെയ്യാന്‍ കഴിയും?

താങ്കള്‍ക്ക്,  രണ്ടാമത്തെയും, മൂന്നാമത്തെയും ഐഡികളിലെ പ്രോഫൈല്‍ മാറ്റാവുന്നതാണ്.അതായത് യൂസര്‍ നെയിം ഏതായാലും കുഴപ്പമില്ല.കമ്പനി നോക്കുന്നത് പ്രോഫൈല്‍ വിവരങ്ങളാണ്.ഓരോ പാനലിലും വ്യത്യസ്ഥ ആളുകളുടെ പ്രോഫൈല്‍ വിവരങ്ങളാണ് വേണ്ടത്.ആ പ്രോഫൈലില്‍ ഉള്ള വ്യക്തിയുടെ പാന്‍ കാര്‍ഡ് നമ്പറും, മറ്റ് രേഖകളുമാണ് ആ പാനലില്‍ ചേര്‍ക്കേണ്ടത്.മാത്രമല്ല ആ പാനലില്‍ സര്‍വെ ചെയ്യുന്നതും ആ വ്യക്തി തന്നെയായിരിക്കും.

ഉദാഹരണത്തിന്, നിങ്ങള്‍ക്ക് kavitha,kavitha1,kavitha2 എന്നിങ്ങനെ മൂന്ന് പാനലുകള്‍ ഉണ്ടെന്നിരിക്കട്ടെ. kavitha എന്ന പാനലിലെ പ്രൊഫൈല്‍ നിങ്ങളുടേതാണ് എന്നതില്‍ സംശയമില്ലല്ലോ? അതില്‍ ചേര്‍ക്കേണ്ട പാന്‍ കാര്‍ഡ് നമ്പരും, അഡ്രസ്സ് പ്രൂഫും സ്വാഭാവികമായും നിങ്ങളുടേതായിരിക്കും.kavitha1 എന്ന പാനലില്‍ നിങ്ങളുടെ ഭര്‍ത്താവിന്റെ പ്രോഫൈല്‍ വിവരങ്ങള്‍ നല്‍കുക.ഈ പാനലില്‍ കൊടുക്കേണ്ട പാന്‍ കാര്‍ഡ് നമ്പര്‍ ഭര്‍ത്താവിന്റെയായിരിക്കണം.അടുത്ത പാനല്‍ kavitha2 വില്‍ നിങ്ങളുടെ 18 വയസ്സ് പൂര്‍ത്തിയായ മകന്റെ പ്രൊഫൈല്‍ വിവരങ്ങള്‍ നല്‍കാം.പാന്‍ കാര്‍ഡ് നമ്പര്‍ മകന്റെയായിരിക്കുകയും വേണം.

ശ്രദ്ധിക്കുക:കുറച്ചു സമയം മാത്രമേ പാനലിസ്റ്റുകള്‍ക്ക് പാന്‍ കാര്‍ഡ് നമ്പര്‍ സൈറ്റില്‍ ചേര്‍ക്കാന്‍ ലഭിക്കൂ എന്നാണ് അറിവായത് പാന്‍ കാര്‍ഡിന് അപേക്ഷിച്ചാല്‍ മിക്കവാറും ഒരു മാസം എടുക്കും അതു ലഭിക്കാന്‍..അതുകൊണ്ട് എത്രയും പെട്ടെന്ന് അപേക്ഷിക്കുക.

ഈ വിഷയത്തില്‍ നിങ്ങള്‍ക്ക് ഇനിയും സംശയങ്ങള്‍ ബാക്കിയുണ്ടെന്നറിയാം.നിങ്ങളുടെ സംശയങ്ങള്‍ താഴെ രേഖപ്പെടുത്താം.എല്ലാ സംശയങ്ങള്‍ക്കും ഉത്തരം നല്‍കുന്നതാണ്.